×

Ricerca

L'anafora ambrosiana per la Veglia Pasquale
Dossier a cura di Giordano Monzio Compagnoni


G. Biffi, Il canone pasquale ambrosiano, «Ambrosius», 1967, pp. 147-151.

Vere quia dignum et iustum est
aequum et salutare
nos tibi semper
hic et ubique
gratias agere
Domine
sancte Pater
omnipotens aeterne Deus:
qui omnia munda elementa fecisti
et varias disposuisti temporum vices,
atque homini ad tuam imaginem condito
universa simul animantia
rerumque miracula subiecisti.

Cui licet origo terrena sit
tamen regeneratione baptismatis
coelesti ei vita confertur.
Nam devicto mortis auctore
immortalitatis est gratiam consecutus,
et praevaricationis errore quassato
viam reperit veritatis.

Per Christum Dominum nostrum
per quem maiestatem tuam laudant angeli
venerantur archangeli,
troni dominationes virtutes
principatus et potestates adorant,
quem cherubim et seraphim
socia exultatione concelebrant,
cum quibus et nostras voces
ut admitti iubeas deprecamur
supplici confessione dicentes:

Sanctus, sanctus, sanctus,
Dominus Deus Sabaoth
pleni sunt coeli et terra gloria tua.
Hosanna in excelsis.
Benedictus qui venit in nomine Domini.
Hosanna in excelsis.

Vere sanctus
vere benedictus dominus noster Iesus Christus filius tuus,
qui cum dominus esset maiestatis
descendit de coelo,
formam servi qui primus perierat suscepit
et sponte pati dignatus est,
ut eum quem ipse fecerat de morte liberaret.
Unde et hoc paschale sacrificium tibi offerimus
pro his quos ex aqua et Spiritu sancto
regenerare dignatus es,
dans eis remissionem omnium peccatorum,
ut invenires eos in Christo iesu Domino nostro.
Pro quibus tibi Domine supplices fundimus preces,
ut nomina eorum
pariterque famuli tui papae nostri N.
ei pontificis nostri N.
scripta habeas in libro viventium.

Tu nos enim Domine participes Filii tui
tu consortes regni tui
tu incolas paradisi
tu angelorum comites esse iussisti,
si tamen illaesa et intemerata fide
caelestis militiae sacramenta servamus.

Haud quid desperare de tua misericordia possumus,
qui tantum munus accepimus
ut talem tibi hostiam offerre mereremur
corpus scilicet et sanguinem Domini nostri Iesu Christi.

Qui se pro mundi redemptione
piae illi ac venerandae tradidit passioni.
Qui formam sacrificii salutis perennis instituens
hostiam se primus obtulit
et primus docuit offerri.
Qui pridie quam pro nostra
et omnium salute pateretur,
discumbens in medio discipulorum suorum
et accipiens panem
elevavit oculos ad coelos
ad te Deum Patrem suum omnipotentem,
tibi gratias agens,
benedixit, fregit deditque discipulis suis
dicens ad eos:
Accipite et manducate ex hoc omnes,
hoc est enim corpus meum.
Simili modo postquam caenatum est,
accipiens calicem
elevavit oculos ad caelos
ad te Deum Patrem suum omnipotentem,
item tibi gratias agens
benedixit tradiditque discipulis suis
dicens ad eos:
Accipite et bibite ex eo omnes,
hic est enim calix sanguinis mei
novi et aeterni testamenti
(mysterium fidei)
qui pro vobis et pro multis effundetur
in remissione peccatorum.

Mandans quoque dicens ad eos:
haec quotiescumque feceritis
in meam commemorationem facietis,
mortem meam praedicabitis,
resurrectionem meam annunciabitis,
adventum meurn sperabitis,
donec iterum de caelis veniam ad vos.

Haec facimus haec celebramus
tua Domine praecepta servantes
et ad comunionem inviolabilem
hoc ipsum quod corpus Domini sumimus
mortem dominicam nunciamus.

Tuum vero est omnipotens Pater
mittere nunc nobis unigenitum Filium tuum
quem non quaerentibus sponte misisti.
Qui cum sis ipse immensus et inaestimabilis
deum quoque ex te immensum et inaestÈ­mabilem genuisti.
Ut cuius passione redemptionem humani generis tribuisti
eius nunc corpus tribuas ad salutem.
Per eundem Christum Dominum nostrum.

Per quem haec omnia Domine semper bona creas,
sanctificas, vivificas, benedicis
et nobis famulis tuis largiter praestas
ad augmentum fidei et remissionem omnium peccatorum.

Et est tibi Deo Patri omnipotenti
ex ipso et per ipsum et in ipso
omnis honor virtus laus et gloria
imperium perpetuitas et potestas
in unitate Spiritus sancti
per infinita saecula saeculorum.

« Precedente Indice Successivo »